شگاکو(این این آئی) انسانی ہمدردی کے ایک قابل تحسین اقدام میں الینوائے کے سیکرٹری آف سٹیٹ جیسی وائٹ نے شکاگو میں پاکستان کے قونصلیٹ جنرل کا دورہ کیاجہاں انہوں نے قونصل جنرل طارق کریم سے ملاقات کی تاکہ پاکستان میں بے مثال سیلاب سے متاثرہ لوگوں کے ساتھ تعاون اور یکجہتی کا اظہار کیا جا سکے۔قونصل جنرل نے سیلاب سے متاثرہ افراد کے ساتھ اظہار یکجہتی کیلئے قونصلیٹ کا دورہ کرنے کے انسانی ہمدردی کیلئے سیکرٹری آف اسٹیٹ کا شکریہ ادا کیا۔ قونصل جنرل طارق کریم نے ان موسمیاتی سیلابوں سے ہونے والے بڑے نقصان اور تباہی پر روشنی ڈالی اور عالمی برادری کو پاکستان کی مدد کرنے کی ضرورت پر روشنی ڈالی، خاص طور پر اس حقیقت کے پیش نظر کہ پاکستان عالمی کاربن میں نہ ہونے کے برابر شراکت کے باوجود موسمیاتی تبدیلیوں کا خمیازہ بھگت رہا ہے۔ سیکرٹری خارجہ نے پاکستان میں سیلاب متاثرین کے ساتھ مکمل حمایت اور یکجہتی کا اظہار کیا۔ انہوں نے الینوائے، امریکہ اور بین الاقوامی برادری سے بھی اپیل کی کہ وہ آگے آئیں اور پاکستان میں تباہ کن سیلاب سے متاثر ہونے والے لاکھوں لوگوں کی امداد اور بحالی کے لیے دل کھول کر عطیات دیں۔سیکریٹری آف اسٹیٹ جیسی وائٹ الینوائے کی تاریخ میں سب سے طویل عرصے تک خدمات انجام دینے والے منتخب عہدیدار ہیں۔
