اسلام آباد (این این آئی)پاکستان تحریک انصاف کے رہنما فواد چوہدری نے اسحاق ڈار کیگزشتہ 5 سال سے خود ساختہ جلاوطنی ختم کرکے وطن واپس پہنچنے پر شدید تنقید کرتے ہوئے کہاہے کہ اسحاق ڈار کا آنا نظام انصاف کے منہ پر زناٹے دار تھپڑ ہے۔ٹوئٹر پر جاری بیان میں فواد چوہدری نے لکھا کہ جب ایک مفرور سیدھا وطن واپس آکر اعلیٰ عہدوں پر براجمان ہو جائے تو جج صاحبان جتنی مرضی تقریریں کرلیں انصاف کا نظام عوامی اعتماد کبھی حاصل نہیں کر پائے گا۔پی ٹی آئی رہنما نے لکھا کہ اسحاق ڈار کا آنا پاکستان کے نظام انصاف کے منہ پر زناٹے دار تھپڑ ہے جس کی گونج میں جج صاحبان کے بلند بانگ دعوے دب کر رہ گئے ہیں۔
