اسلام اباد (این این آئی) وزیر اعظم پاکستان شہباز شریف نے کابل کے تعلیمی مرکز میں خودکش دھماکے کو ایک وحشیانہ عمل قرار دیتے ہوئے کہا کہ انہیں دھماکے میں نوجوانوں کی جانی نقصان پر شدید دکھ پہنچا ہے۔ انہوں نے متاثرہ خاندانوں کے ساتھ تعزیت اور ہمدردی کا اظہار کیا ہے۔ شہباز شریف کا کہنا ہے کہ انہوں نے اقوام متحدہ کی جنرل اسمبلے کے اجلاس میں کہا تھا کہ دہشت گردی نہ صرف افغانستان اور پاکستان بلکہ دنیا کے لئے خطرہ ہے۔ انہوں نے کہا کہ دہشت گردی کے کے خطرے کا مقابلہ کرنے کے لئے بین الاقوامی تعاون کی ضرورت ہے۔
