ممبئی (این این آئی)بالی ووڈ کے سلطان سلمان خان نے فلم نگری کی ناکام ہوتی فلموں کو دیکھتے ہوئے انہیں کامیاب کرنے کا فارمولا بتادیا۔ سپر اسٹار سلمان خان اور جنوبی بھارت کی فلموں کے اداکار چرن جیو کی آئندہ آنے والی فلم ‘گاڈ فادر’ کی ریلیز کے حوالے سے اس کی پروموشن میں مصروف ہیں۔ فلم کے ہندی ٹریلر لانچ کرنے کے موقع پر سلمان خان نے میڈیا سے گفتگو کرتے ہوئے بالی ووڈ فلموں کو کامیاب بنانے کا فارمولا بتایا۔ ان کا کہنا تھا کہ لوگ ہالی ووڈ میں فلموں میں کام کرنا چاہتے ہیں جبکہ میں ساؤتھ کی فلموں میں کام کا خواہشمند ہوں۔انہوں نے کہا کہ لوگ 300 اور 400 کروڑ کی بات کرتے ہیں لیکن اگر بالی ووڈ اسٹارز اور جنوبی بھارت کے اسٹارز اکٹھے ہوجائیں تو پھر فلمیں باکس آفس پر 3000 سے 4000 کروڑ کا بزنس کریں گی اور ہم فلم دیکھنے والوں کی بہت بڑی تعداد تک پہنچ جائیں گے۔سلمان خان نے کہا کہ چرن جیو جی کے فینز ساؤتھ میں ان فلموں کو دیکھیں جبکہ یہاں انہیں ادھر کے فلم بین دیکھیں گے، اس طرح ہمارے ایک دوسرے کے پرستار سب کو پسند کرنے لگیں گے۔ واضح رہے کہ فلم ‘گاڈ فادر’ کے ڈائریکٹر موہن راجہ ہیں جبکہ فلم چرن جیو نے پروڈیوس کی۔فلم میں چرن جیو اور سلمان خان مرکزی کرداروں میں نظر آئیں گے جبکہ ان کے علاوہ نیانتھرا اور ستیادیو کنچرنا بھی اہم کرداروں نبھائیں گے۔
مقبول خبریں
نیوزی لینڈ کیخلاف پہلے ون ڈے میچ میں قومی ٹیم کے تین کھلاڑیوں کا...
نیپیئر(این این آئی) نیوزی لینڈ کے خلاف پہلے ون ڈے میچ میں قومی ٹیم کے تین کھلاڑیوں نے ڈیبیو کیا ۔عاکف جاوید ، عثمان...
پہلے ون ڈے میچ میں نیوزی لینڈ نے پاکستان کو 73 رنز سے شکست...
پہلے ون ڈے میچ میں نیوزی لینڈ نے پاکستان کو 73 رنز سے شکست دے دی نیپیئر (این این آئی)پہلے ون ڈے میچ میں...
سعودی ولی عہد شہزادہ محمد بن سلمان سے سوڈانی کونسل کے چیئرمین کی ملاقات
مکہ مکرمہ(این این آئی )سعودی عرب کے ولی عہد شہزادہ محمد بن سلمان بن عبدالعزیز آل سعود نے مکہ مکرمہ کے قصر الصفا میں...
علی امین نے آبادی کیلئے این ایف سی ایوارڈ میں حصہ نہ ملنے پر...
پشاور(این این آئی) وزیراعلی خیبرپختونخوا علی امین گنڈاپور نے آبادی کیلئے ملنے والا این ایف سی ایوارڈ میں حصہ نہ ملنے پر صدر پاکستان...
لگتا ہے علی امین گنڈاپور کے گرد گھیرا تنگ کیا جارہا ہے، شیر افضل...
اسلام آباد (این این آئی)پاکستان تحریک انصاف کے رکن قومی اسمبلی شیر افضل مروت نے کہا ہے کہ لگتا ہے علی امین گنڈاپور...