واشنگٹن (این این آئی)چیف آف آرمی اسٹاف جنرل قمر جاوید باجوہ کے پینٹاگون میں سرکاری دورے کے دوران امریکی سیکریٹری دفاع لائیڈ جے آسٹن اعزازی کارڈن کی میزبانی کریں گے۔میڈیا رپورٹ کے مطابق سرکاری تقریب کے بعد میڈیا بریفنگ نہیں ہوگی ،تقریب میں میڈیا کو محدود تعداد میں مدعو کیا گیا ۔امریکا میں یہ تقریبات بین الاقوامی خیر سگالی کو فروغ دیتی ہیں جبکہ یہ اعزازی کارڈن امریکی صدر، نائب صدر، قانونی تقرریوں، امریکی فوج کے جنرل یا فلیگ افسران کے ساتھ ساتھ ان عہدوں کے مساوی غیر ملکی معززین کیلئے مخصوص ہے۔آرمی چیف جنرل قمر جاوید باجوہ اس وقت امریکی حکام سے ملاقات کے سلسلے میں واشنگٹن میں موجود ہیںمیڈیارپورٹ کے مطابق جنرل قمر جاوید باجوہ سے وزیر دفاع لائیڈ آسٹن کے علاوہ نیشنل انٹیلی جنس کے ڈائریکٹر ایورل ڈی ہینس اور سی آئی اے کے ڈائریکٹر ولیم جے برنز کی ملاقات متوقع ہے۔
