اسلام آباد (این این آئی)وفاقی وزیر اطلاعات مریم اورنگزیب نے لانگ مارچ کی تاریخ دینے سے پہلے عمران خان کو سوالات کا جواب دینے کا چیلنج کرتے ہوئے کہاہے کہ قومی سلامتی کے ساتھ کھیل کھیلنے والا فارن ایجنٹ اسلام آباد کرنے کیا آ رہا ہے؟۔ اپنے بیان میں مریم اور نگزیب نے کہاکہ سیلاب متاثرین کی مدد کرنے کے بجائے لانگ مارچ کی تیاری ،معیشت تباہ، 20 ہزار ارب کا تاریخی قرض لینے والا فارن ایجنٹ جھوٹا اسلام آباد کیا کرنے آ رہا ہے ؟ ۔مریم اورنگزیب نے کہاکہ پاکستان کی معیشت کو دیوالیہ کرنے کی سازش کرنے والا فارن ایجنٹ اسلام آباد کیا کرنے اٰ رہا ہے۔؟ وفاقی وزیر اطلاعات نے کہاکہ فارن ایجنٹ نے 95 لاکھ لوگوں کو بے روزگار، 2 کروڑ کو غربت کے جہنم میں دھکا دیا، اب اسلام آباد کیا کرنے آ رہا ہے؟ ۔ وزیراطلاعات نے کہاکہ عدلیہ اور ججوں کو دھمکانے، اداروں پر بہتان لگانے اور سیاست میں گھسیٹنے والا اسلام آباد کرنے کیا آ رہا ہے۔انہوںنے کہاکہ کشمیر فروش فارن ایجنٹ اسلام آباد کیا کرنے آ رہا ہے۔؟ توشہ خانہ کا چور، فرح گوگی، پیرنی کی کرپشن کا شریک مجرم اسلام آباد کیا کرنے آرہا ہے۔؟ انہوںنے کہاکہ توشہ خانہ کا چور اسلام آباد کیا کرنے آ رہا ہے؟ ان سوالوں کا پہلے جواب دیں اور پھر عمران خان لانگ مارچ کا اعلان کریں ۔
