سیالکوٹ (این این آئی)تحریک انصاف کے رہنما سابق ٹکٹ ہولڈر مرزا دلاور بیگ نے سی ای او ایجوکیشن سیالکوٹ میاں محمد ریاض کے ہمراہ گورنمنٹ سکولز کا دورہ کیا ،مرزا دلاور بیگ نے اپنی مدد آپ کے تحت ضلع سیالکوٹ میں مرمت، رنگ و روغن پودے لگانے کا بیڑہ اٹھا لیا ،بھڑھ مراکیوال کچھیان کھروٹہ سیداں میں اپنی مدد آپ کے تحت سکولوں میں کام جاری کر دیا، سی او ایجوکیشن سیالکوٹ میاں محمد ریاض نے مرزا دلاور بیگ کی ان کاوشوں کی تعریف کی اور کہا کہ وہ یہ کام کر رہے ہیں یہ خدمت تابعداری بھی ہے اور عبادت بھی ہے انشاء اللہ ہماری تمام ہمدردی انکے ساتھ ہے ان کا یہ اقدام بہترین اقدام ہے ،مرزا دلاور بیگ نے کہا کہ تمام سیاسی و مذہبی نمائندوں اور ہر پاکستانی شہری کو اس طرح کے نیک کاموں میں بڑھ چڑھ کر حصہ لینا ہو گا تاکہ یہ ہم ثابت کریں کہ ہم کو آنے والی نسلوں کی فکر ہے انشاء اللہ پاکستان کی ترقی اور خوشحالی میں ہر فرد کو اپنا اپنا کردار ادا کرنا پڑیگا، ہم سی ای او ایجوکیشن سیالکوٹ کے بھی بیحد مشکور ہیں جنہوں نے ہمارے ساتھ مل کر کام کیا اور اپنی مدد آپ کے تحت ٹیم کی حوصلہ افزائی کی ،آپ تمام لوگ اپنے اپنے گاؤں محلہ کی سطح پر بھی سکولوں کا وزٹ کریں تاکہ سکولوں کے ماحول کو بہتر بنایا جا سکے یہ سکول یہ بچے یہ پاکستان ہمارا ہے ہم سب نے مل کر اس کو سنوارنا ہے۔
