لاہور( این این آئی)نامور اداکارہ ثنا نے کہا ہے کہ کسی بھی فلم کی کامیابی کیلئے معیاری سکرپٹ بنیاد ہوتا ہے ،ماضی کی سپر ہٹ فلموںکی کامیابی کی بڑی وجہ یہی تھی کہ ان کے موضوعات انتہائی معیاری تھے ۔ ایک انٹر ویومیںثنا نے کہا کہ اگرفلم کاموضوع دلچسپ اورلوگوںکواپنی جانب راغب کرنے والاہوتو کوئی وجہ نہیںکہ فلم کامیاب نہ ہو ۔اس کے ساتھ ساتھ موضوع کو نبھانے کے لئے پرفیکٹ اداکار وںکاچنائو سونے پر سہاگہ کا کام کرتا ہے ۔اداکارہ نے کہا کہ عوام اچھی اور اصلاحی فلمیں دیکھنا چاہتے ہیںاس لئے ان کے ذوق کے مطابق فلمیں بنانانا ہوں گی تاکہ انہیںدوبارہ سینما گھروں کی جانب لایا جا سکے ۔انہوںنے بتایا کہ میرے کئی پراجیکٹس زیر تکمیل ہیں اور اس کے ساتھ ساتھ اپنی فیملی کو بھرپور وقت دے رہی ہوں۔
