ایڈیلیڈ ( این این آئی) آئی سی سی ٹی ٹونٹی ورلڈ کپ میں قومی کرکٹ ٹیم اپنے اگلے میچ کیلئے سڈنی سے ایڈیلیڈ پہنچ گئی۔پاکستانی اسکواڈ (کل) ایڈیلیڈ اوول میں ٹریننگ سیشن کرے گا۔قومی ٹیم کا ٹریننگ سیشن دوپہر 2سے شام 5بجے تک جاری رہے گا۔پاکستان ٹی ٹونٹی ورلڈ کپ کے سپر 12 مرحلے کا آخری میچ اتوار کو بنگلا دیش کے خلاف کھیلے گا۔واضح رہے کہ قومی ٹیم نے جمعرات کے روز جنوبی افریقہ کے خلاف اہم میچ میں شاندار کارکردگی کا مظاہرہ کرتے ہوئے جیت اپنے نام کی اور ایونٹ کا سیمی فائنل کھیلنے کی امید کو زندہ رکھا ہوا ہے۔
