ایڈیلیڈ ( این این آئی) پاکستان کرکٹ ٹیم کے آل رائونڈر شاداب خان نے کہا ہے کہ بنگلادیش کے خلاف میچ میں کنڈیشن دیکھ کر منصوبہ بنائیں گے۔انہوں نے ایک انٹرویو میں جنوبی افریقہ کے خلاف میچ میں اپنی اننگز کو بہترین اننگز میں سے ایک قرار دیتے ہوئے کہا کہ یہ بین الاقوامی ٹی ٹونٹی میچز کی بہترین اننگز میں سے ایک ہے۔ انہوں نے کہا کہ جنوبی افریقہ کے خلاف میچ میں سادہ منصوبہ بنایا تھا، کوئی خاص حکمت عملی نہیں بنائی تھی۔جیت بہت اہم تھی، جیت جیت ہوتی ہے۔ اسٹار آل رائونڈر نے کہا کہ دوسری ٹیموں کے نتائج ہمارے ہاتھ میں نہیں، ٹی ٹونٹی میں کوئی ٹیم آسان نہیں ہوتی۔انہوں نے افتخار کے ساتھ اپنی پارٹنرشپ سے قبل محمد نواز اور افتخار احمد کی پاٹنرشپ کو اہم قرار دے دیا۔ شاداب خان نے آئندہ میچ کی حکمت عملی سے متعلق کہا کہ بنگلادیش کے خلاف میچ میں کنڈیشن دیکھ کر منصوبہ بنائیں گے۔
