لاہور ہائیکورٹ کے مستقل ہونیوالے 11 ججز صاحبان نے عہدوں کا حلف اٹھا لیا

0
302

لاہور ( این این آئی) لاہور ہائیکورٹ کے مستقل ہونے والے 11 ججز صاحبان نے اپنے عہدوں کا حلف اٹھا لیا۔حلف برداری کی تقریب گزشتہ روز لاہور ہائیکورٹ کے مرکزی سبزہ زار میں منعقد ہوئی ۔رجسٹرار لاہور ہائیکورٹ عرفان احمد سعید نے نظامت کے فرائض سرانجام دیئے۔چیف جسٹس لاہور ہائیکورٹ محمد امیر بھٹی نے مستقل ہونے والے ججز جسٹس شکیل احمد ،جسٹس صفدر سلیم شاہد ،جسٹس احمد ندیم ارشد ،جسٹس محمد طارق ندیم ،جسٹس محمد امجد رفیق ،جسٹس عابد حسین چٹھہ ،جسٹس انوار حسین ،جسٹس علی ضیا باجوہ ،جسٹس سلطان تنویر احمد، جسٹس محمد رضا قریشی اور جسٹس راحیل کامران سے حلف لیا ۔ حلف برداری تقریب میں لاہور ہائیکورٹ کے سینئر ترین جج جسٹس ملک شہزاد احمد ،جسٹس شاہد وحید، جسٹس علی باقر نجفی ،جسٹس شاہد بلال حسن ،جسٹس عابد عزیز شیخ سمیت دیگر ججز ،وفاقی و صوبائی لا افسران اور وکلاء رہنما شریک ہوئے۔لاہور ہائیکورٹ کے افسران اور حلف اٹھانے والے ججز کے اہلِ خانہ و عزیز و اقارب نے بھی تقریب میں شرکت کی۔