واشنگٹن(این این آئی)امریکاکے ایک اعلی عہدے دارنے یوکرین پرروس کے تازہ میزائل حملوں کی مذمت کی ہے اور کیف کے لیے واشنگٹن کی حمایت کااعادہ کیا ہے۔وائٹ ہائوس کے قومی سلامتی کے مشیرجیک سلیوان نے ایک بیان میں کہا کہ امریکایوکرین کے خلاف روس کے تازہ میزائل حملوں کی شدید مذمت کرتا ہے۔ان میں دارالحکومت کیف میں رہائشی عمارتوں اور ملک بھرمیں دیگر مقامات کو نشانہ بنایا گیا ہے۔سلیوان کا کہنا تھاکہ روس دنیا بھر کے لوگوں کی زندگیوں اور معاش کو خطرے میں ڈال رہا ہے۔جیک سلیوان نے کہا کہ روس کے یہ حملے صدرولادی میرپوتین کی یوکرین میں جنگ کے عدم استحکام کے اثرات کے بارے میں خدشات کومزید تقویت دیں گے۔انھوں نے یوکرین کے عوام کی اپنی خودمختاری اور جمہوریت کے دفاع کے لیے جرآت وبہادری کی تعریف کی اور کہا کہامریکا کیف کو اپنے دفاع کے لیے درکار فضائی دفاعی نظام اور دیگر مددمہیا کرنے کا سلسلہ جاری رکھے گا۔ہم یوکرین کے ساتھ اس وقت تک کھڑے رہیں گے جب تک اس کی ضرورت ہے۔سلیوان نے اس ماہ کے اوائل میں یوکرین کا اچانک دورہ کیا تھا ،جہاں انھوں نے مبینہ طور پر یوکرین کے عہدے داروں پر دبا ڈالنے کی کوشش کی تھی کہ وہ روس کے ساتھ بات چیت سے انکارکے مقف میں نرمی پیدا کریں۔لیکن امریکانے اس کی اطلاع سامنے آتے ہی فوری طورپراس بیانیے کو درست کرنے کی کوشش کی تھی اور کہا تھا کہ یہ فیصلہ یوکرین کو کرناہے کہ روس کے ساتھ جنگ کے خاتمے کے لیے کب اور کیسے بات چیت کی جائے گی۔
