جوائے لینڈ کو ریلیز کی مشروط اجازت مل گئی

0
46

لاہور( این این آئی)فلم ”جوائے لینڈ ”کو سینما گھروں میں ریلیز کی مشروط اجازت دے دی گئی۔آسکر ایوارڈ کے لئے پاکستان کی جانب سے بھیجی جانے والی فلم ”جوائے لینڈ ”کو ملک بھر کے سینما گھروں میں 18 نومبر سے نمائش کے لیے پیش کیا جانا تھا لیکن مختلف طبقات کی جانب سے اعتراضات سامنے آنے کے بعد وزارت اطلاعات نے اس فلم کو جاری ہونے والا سینسر سرٹیفکیٹ منسوخ کردیا تھا۔بعد ازاں وزیر اعظم شہباز شریف نے تحقیقات کے لیے کمیٹی بنائی تھی جس میں وفاقی وزراء ، پی ٹی اے اور پیمرا کے سربراہان شامل تھے۔وزیر اعظم کے معاون خصوصی سلمان صوفی نے اپنی ٹوئٹ میں کہا ہے کہ کمیٹی نے جوائے لینڈ کو ریلیز کے لیے مشروط طور پر کلیئر کر دیا ہے۔سلمان صوفی نے کہا ہے کہ آزادی اظہار بنیادی حق ہے اور اسے قانون کے دائرے میں پروان چڑھانا چاہیے۔