امیر مکہ نے 2022 میں اعتدال پسندی ایوارڈ کے فاتح کا اعلان کردیا

0
111

مکہ مکرمہ (این این آئی) امیر مکہ اور موڈریشن ایوارڈ کے بورڈ آف ٹرسٹیز کے چیئرمین شہزادہ خالد الفیصل نے سال 2022کے اپنے چھٹے سیشن میں موڈریشن ایوارڈ کے فاتح کے نام کا اعلان کر دیا۔ اس سال اعتدال پسندی کا یہ ایوارڈ سعودی اتھارٹی برائے ڈیٹا و مصنوعی ذہانت کے چیئرمین ڈاکٹر عبد اللہ بن شرف الغامدی نے جیت لیا۔الغامدی نے یہ ایوارڈ اپنی ممتاز تکنیکی کوششوں کے باعث جیتا، انہوں نے مملکت کے مہذب چہرے کو اجاگر کرنے، معاشرے کے ارکان کے لیے اعتدال پسند انسانی کام کی اقدار کو فروغ دینے کے لیے ٹیکنالوجی کا استعمال کرنے اور افراد اور اداروں کے درمیان قومی تعلق کی اقدار کو اپ گریڈ کرنے میں اہم کردار ادا کیا۔خیال رہے یہ ایوارڈ کنگ عبدالعزیز یونیورسٹی میں پرنس خالد الفیصل انسٹی ٹیوٹ برائے اعتدال پسندی کے سب سے اہم اقدامات میں سے ایک ہے۔ اس ایوارڈ کا مقصد سعودی عرب میں ہر لحاظ سے انتہا پسندی کو ترک کرنے اور اعتدال پسندی کے کلچر کو فروغ دینا ہے۔یہ اپنی نوعیت کا پہلا اقدام ہے۔ اس کا مقصد ان کوششوں کی حمایت اور حوصلہ افزائی کرنا ہے جو اعتدال پسندی کی اقدار اور طریقوں کو اجاگر کرنے کی کوشش کرتی ہیں۔