بیجنگ(این این آئی)چین سے موصولہ اطلاعات میں بتایا جا رہا ہے کہ ملک کے وسطی صوبے ہینان (Henan) کی ایک فیکٹری میں آگ لگنے سے 36 افراد ہلاک ہو گئے۔چینی میڈیا کے مطابق آتشزدگی کے بعد دو افراد لاپتا ہو گئے ہیں جن کی تلاش کا عمل جاری ہے۔ گذشتہ شام سے لگنے والی آگ پر میونسپل فائر ریسکیو کی 36 گاڑیوں کی مدد سے قابو میں پایا گیا۔مقامی انتظامیہ کا کہنا ہے کہ ایک مشکوک شخص کو موقع سے گرفتار کیا گیا ہے جس سے تفتیش کی جا رہی ہے۔
