پشاور میں کورونا خطرناک حد تک بڑھ گیا مگر اپوزیشن جلسہ کرنے کیلئے بضد ہے،اسد عمر

اسلام آباد(این این آئی)وفاقی وزیر برائے منصوبہ بندی اور سربراہ نیشنل کمانڈ اینڈ کنٹرول سینٹر (این سی او سی) اسد عمرنے کہا ہے کہ پشاور میں کورونا کیسز کی شرح 13 اعشاریہ 39 فیصد رہی،پشاور میں کورونا خطرناک حد تک بڑھ گیا مگر اپوزیشن جلسہ کرنے کیلئے بضد ہیاسد عمر نے سوشل میڈیا پر اپنے بیان میں بتایا کہ پشاور میں گزشتہ روز کورونا کے مثبت کیسز کی شرح 13.39 فیصد رہی، پشاور میں کورونا کے 202 مریض انتہائی نگہداشت کے وارڈ میں ہیں، 18مریض وینٹی لیٹر پر ہیں جس میں سے 14 شدید بیمار ہیں۔انہوںنے کہاکہ اس صورت حال کے باوجود پی ڈی ایم قیادت کا کہنا ہے کہ ہم اسٹیج پر محفوظ ہیں، عوام کی فکر کس کو ہے۔وفاقی وزیر نے ایک اور ٹوٹٹ میں پیپلز پارٹی اور ن لیگ کو تنقید کا نشانہ بناتے ہوئے کہا کہ مسلم لیگ ن کی حکومت نے آزاد کشمیر میں 2 ہفتوں کیلئے مکمل لاک ڈاؤن کا اعلان کر دیا ہے