کراچی (این این آئی) گورنرسندھ کامران ٹیسوری نے کہا ہے کہ ایم کیو ایم کوحلقہ بندیوں پر شدید اعتراضات ہیں ، بلدیاتی انتخابات سے پہلے حلقہ بندیاں ہونی چاہئیں۔تفصیلات کے مطابق گورنرسندھ کامران ٹیسوری نے خصوصی گفتگو کرتے ہوئے کہا کہ ایم کیو ایم کوحلقہ بندیوں پر شدید اعتراضات ہیں بلدیاتی انتخابات سے پہلے حلقہ بندیاں ہونی چاہیئں۔گورنرسندھ نے کہا کہ حلقہ بندیاں ایم کیو ایم،پی پی میں مذاکرات اور معاہدے پر عمل درآمد میں تاخیر کی وجہ ہیں گورنر کا حلف اٹھانے سے پہلے حلقہ بندیوں کا جائزہ لیا تھا، جو متنازع اور انصاف پرمبنی نہیں۔کامران ٹیسوری نے کہا کہ حلقہ بندیوں پرمتحدہ اور پی پی مذاکرات کررہی ہیں جلد کوئی بات سامنے آجائے گی ، کوشش ہے تمام جماعتیں ایک پیج پر آکر بلدیاتی انتخابات سے متعلق لائحہ عمل بنائیں۔انہوںنے کہا کہ پیپلزپارٹی نے ایم کیو ایم کو ایڈمنسٹریٹر شپ دینے سے انکار نہیں کیا ، ایڈمنسٹریٹر شپ اور ڈسٹرکٹ کے ایڈمنسٹریٹر کیلئے پی پی کی طرف سے رکاوٹ نہیں۔گورنرسندھ نے کہا کہ پیپلز پارٹی کے دوست راضی ہیں ، اس حوالے سے ایم کیو ایم کو کئی بار پیغام بھی پہنچایا ، یم کیو ایم چاہتی ہے کہ پہلے حلقہ بندیوں ، مالی اور انتظامی معاملات حل ہوں اسکے بعد ایڈمنسٹریٹر بھی لگ جائیں گے۔کامران ٹیسوری نے کہا کہ جو ادھر ادھر بھٹک رہے ہیں انہیں ایک جگہ لانے کے لیے کام کررہا ہوں ، سب کو ایک جگہ آکر ایک پلیٹ فارم پر ملک اور صوبے کیلئے کام کرنے کی ضرورت ہے۔انھوں نے کہا کہ فاروق ستار میرے دوست ہیں اور بھائی بھی، میری دلی خواہش ہے کہ وہ جلد پارٹی میں واپس آجائیں، ایم کیو ایم ، جماعت اسلامی اور پیپلز پارٹی ملکر صوبے کی بھلائی کے لیے کام کریں۔گورنرسندھ نے کہا کہ بلدیاتی انتخابات کے حوالے سے الیکشن کمیشن نے ڈیڈ لائن دی ہے ، سیاسی جماعتیں راستہ نکالیں ،اسٹیک ہولڈرز بیٹھیں اور الیکشن کمیشن کو بھی آن بورڈ لیں۔
مقبول خبریں
عمران خان نے اسٹیبلشمنٹ سے بات کا کسی کو کوئی ٹاسک نہیں دیا’ شیخ...
اسلام آباد(این این آئی)پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے...
پاکستان اسٹاک ایکسچینج میں ملا جلا رجحان، 38 پوائنٹس کا اضافہ
کراچی (این این آئی)پاکستان اسٹاک ایکسچینج میں عید کی چھٹیوں کے بعد جمعرات کوتعطیلات کے بعد پہلے کاروباری دن ملا جلا رجحان دکھائی دے...
حماد اظہر نے پی ٹی آئی میں تمام عہدوں سے استعفیٰ دے دیا
لاہور(این این آئی)پاکستان تحریک انصاف پنجاب کے سیکریٹری جنرل اور قائم مقام صدر حماد اظہر نے پارٹی عہدے سے استعفیٰ دے دیا۔ حماد...
آئی ایم ایف ٹیم بجٹ کی تیاری کیلئے آج سے پاکستان کا دورہ کریگی
اسلام آباد(این این آئی) آئی ایم ایف کی ٹیم آئندہ مالی سال کے بجٹ کی تیاری کے سلسلے میں کل 4 اپریل سے پاکستان...
ممتاز صحافی، میڈیا ایڈوائزر اور سوشل ورکر سید مدثر خوشنود کی صحافتی اور سماجی...
دبئی(این این آئی) متحدہ عرب امارات کے معروف تجارتی ادارے این ایف ایل گروپ کی جانب سے ممتاز صحافی، میڈیا ایڈوائزر اور سوشل ورکر...