لاہور( این این آئی) اداکارہ ریشم کی جانب سے مستحق افراد میں گرم بستر اورچادریں تقسیم کیں۔اداکارہ ریشم ہمیشہ فلاحی اور امدادی کاموں میں پیش پیش رہتی ہیں اور انہوںنے حال ہی میں سوشل میڈیا پر ایک ویڈیو شیئر کی ہے جس میں وہ خواتین میں گرم چادریں تقسیم کر رہی ہیں جبکہ اس موقع پر سردی سے بچنے کے لئے گرم بستروں سے لدے ہوئے ٹرک بھی نظر آرہے ہیں ۔ اداکارہ نے لکھا کہ کسی کے دکھ کو اپنا دکھ سمجھ لینا انسانیت ہے،دوسروں کی مدد کرنے سے ہم دراصل اپنی مدد کررہے ہوتے ہیں،اپنے دل کا بوجھ ہلکا کر رہے ہوتے ہیں،اپنے اندر کی گندگی کو صاف کر رہے ہوتے ہیں۔ریشم حالیہ دنوں میں سیلاب سے متاثرہ علاقوں میں بھرپور امدادی سر گرمیاں کر چکی ہیں اور یہ سلسلہ تاحال جاری ہے ۔ اس سے قبل بھی وہ پاکستان میں آنے والے زلزلے کے متاثرین کی امدادی سرگرمیوں میں بھی پیش پیش رہیں۔
