لاہور( این این آئی)خوبرو اداکارہ سجل علی نے کہا ہے کہ وہ طے شدہ شادی پر محبت کی شادی کو ترجیح دیتی ہیں،ویسے بھی شادی ایک خطرہ ہی ہے، چاہے محبت کی کی جائے یا طے شدہ کی جائے۔ایک انٹر ویو میں اداکار ہ سے جب شادی اور محبت کے درمیان ترجیح کے بارے میں پوچھا گیا تو سجل نے گھبرا کر قہقہہ لگایا اور جواب دیا میرے لئے طے شدہ شادی یا محبت کی شادی پر کچھ بھی کہنا قبل از وقت ہے، بس اتنا ہی کہہ سکتی ہوں کہ میں صرف محبت اور محبت کی شادیوں پر یقین رکھتی ہوں۔ویسے بھی شادی ایک خطرہ ہی ہے، چاہے محبت کی کی جائے یا طے شدہ کی جائے۔اداکارہ نے اپنی آنے والی ہالی ووڈ کی فلم میں اپنے کردار سے متعلق کہاکہ انہیں یقین ہے کہ میمونہ کا کردار بہت ساری جنوبی ایشیائی خواتین کی نمائندگی کررہا ہے۔سجل علی کی ہالی ووڈ فلم 24 فروری 2023 کو سنیما گھروں میں ریلیز کی جائے گی۔
