اسلام آباد(این این آئی)پاکستان تحریک انصاف نے قومی اسمبلی کے استعفوں کی تصدیق کے معاملے پر ایک مرتبہ پھر سپریم کورٹ آف پاکستان سے رجوع کا فیصلہ کر لیا۔پی ٹی آئی ذرائع کے مطابق پاکستان تحریک انصاف استعفوں کی منظوری کیلئے سپریم کورٹ آف پاکستان جائیگی جس کیلئے قانونی ماہرین کی جانب سے درخواست کی تیاری شروع کر دی گئی ۔ذرائع کے مطابق سپریم کورٹ جانے کا فیصلہ سپیکر قومی اسمبلی کی بدنیتی کے باعث کیا گیا، پی ٹی آئی نے ایوان میں جانے کا اعلان کیا تو اجلاس ملتوی کر دیا گیا ،سپیکر کے روبرو جانے کے اعلان پر سپیکر چھٹی پر چلے گئے۔
