فیصل آباد /مانچسٹر(این این آئی)انٹرنیشنل افیئر اینڈ اوورسیز پاکستانیز چیف کوآرڈینیٹر ماہر قانون برطانیہ بیرسٹر امجد ملک کے صاحبزادے بیرسٹر حمزہ امجد ملک کی دعوت ولیمہ کی تقریب فیصل آباد کے مقامی ہوٹل میں منعقد کی گئی۔تفصیلات کے مطابق ماہر قانون برطانیہ بیرسٹر امجد ملک کے صاحبزادے بیرسٹر حمزہ امجد ملک کی شادی خانہ آبادی کی تقریب مانچسٹر میں منعقد کی گئی تھی جبکہ دعوت ولیمہ کی تقریب سرینہ ہوٹل فیصل آباد میں منعقد کی گئی ہے جس میں رشتہ داروں، سیاسی و سماجی شخصیات، پاکستانی سپر سٹار کرکٹرز،پاکستان مسلم لیگ نون اوورسیز کے عہدیداران اور دوستوں نے بڑی تعداد میں شرکت کی جن میں سابق کرکٹرانضمام الحق ،مشتاق احمد،انٹرنیشنل افیئر اینڈ اوورسیز پاکستانیز کے جنرل سیکرٹری ایم این اے نور الحسن تنویر،سابق ایم این اے چوہدری طلال ،بریگیڈیئر ارشد ملک،لیگل ایڈوائزر برطانیہ چوہدری عنصر، پاکستان مسلم لیگ (ن )کے صدر ترکی میر ابرار، برطانیہ و یورپ کے بزنس مین خالد چوہدری ،پاکستان مسلم لیگ (ن )سعودی عرب کے مرکزی صدر شیخ سعید احمد کے بیٹے شیخ سعد،پاکستان مسلم لیگ (ن )صدر ہانگ کانگ،پاکستان مسلم۔لیگ نون کے صدر مسقط چوہدری محمد علی فضل،سنیئر نائب صدر مسقط مقصود احمد بٹ،سنیئر نائب صدر دبئی شوکتِ محمود بٹ،سرپرست اعلیٰ سعودی عرب رانا محمد اشرف ،سعودی عرب کے جنرل سیکرٹری ملک منظور حسین اعوان ،بزنس مین مطلوب بٹ ، الریاض سعودی عرب کے صدر سلطان علی، ناصر بٹ،عمیر احمد بٹ ایڈووکیٹ و دیگر نے شرکت کیـ تقریب کے آخر میں میزبان بیرسٹر امجد ملک نے اپنی طرف سے اور اپنی فیملی کیطرف سے تمام معزز مہمانان گرامی کا اپنے صاحبزادے بیرسٹر حمزہ امجد ملک کی دعوت ولیمہ کی تقریب میں تشریف آوری پر شکریہ ادا کیا اور پاکستانی سپر سٹار کرکٹر مشتاق احمد نے مختصر بیان کیا اور سپر سٹار ہیرو انضمام الحق نے دعا فرمائی ـ
