نیویارک(این این آئی)اقوام متحدہ کی سلامتی کونسل کی جانب سے افغان خواتین پر عائد پابندیوں پر اظہار تشویش کرتے ہوئیان کے اوپرعائد پابندیاں ختم کرنے کا مطالبہ کیا گیا ہے۔یواین کی سلامتی کونسل کی جانب سے جاری ایک بیان میں کہا گہا کہ افغانستان میں طالبان حکومت کی جانب سے خواتین پر عائد کی گئیں پابندیاں عالمی برادری کی توقعات کی برعکس ہیں۔سلامتی کونسل کی جانب سے کہا گیا کہ یہ پالیسیاں انسانی حقوق اور بنیادی آزادیوں کے احترام کی راہ میں رکاوٹ ہیں، خواتین کے این جی اوز کے لئے کام کرنے پر پابندی پر بھی تشویش ہے۔سلامی کونسل نے طالبان حکومت سے مطالبہ کیا کہ افغانستان میں خواتین کومساوی اور با معنی نمائندگی دے جائے۔ لڑکیوں کے اسکول کھولے جائیں۔خواتین پر لگائی گئی پابندیاں اور اقدامات واپس لیے جائیں۔اقوام متحدہ کے سیکرٹری جنرل انتونیو گوتریس نے کہا کہ خواتین اور لڑکیوں پر پابندیاں بلاجواز ہیں، انہیں ختم کرنا چاہیے۔
