ممبئی(این این آئی) بالی ووڈ کے کنگ شاہ رْخ خان اور خوبرو اداکار دیپیکا پڈوکون کی متنازع فلم پٹھان کا ٹریلر جاری کر دیا گیا۔بھارت میں بائیکاٹ مہم کا شکار متنازع فلم ‘پٹھان ‘ کا ایکشن اور تھرلر سے بھرپور ٹریلر جاری کر دیا گیا ہے فلم میں ایکشن ہیرو جان ابراہم بھی شاہ رْخ اور دیپیکا کے ہمراہ جلوہ گر ہوں گے۔سدھارتھ آنند کی ہدایتکاری میں بننے والی اس فلم کی کہانی پٹھان نام کے ایک ایسے شخص کے گرد گھومتی ہے جس کیلئے اس کا مذہب، ذات اور نام سب اس کا ملک ہے شاہ رْخ خان پٹھان کا کردار ادا کرتے نظرآئیں گے جبکہ جان ابراہم ایک انڈر کوور ایجنٹ کا کردار نبھا رہے ہیں جس کیلئے پیسہ ہی سب کچھ ہے اور وہ روسی مافیا کیلئے کام کر رہے ہیں۔یشراج فلمز کے بینر تلے بننے والی فلم ‘پٹھان’ 25 جنوری کو سنیما گھروں کی زینت بنے گی، فلم کو ہندی، تامل اور تیلیگو زبان میں ریلیز کیا جائے گا۔واضح رہے اس سے قبل شاہ رخ خان کی آخری فلم ‘زیرو’ دسمبر 2018 میں ریلیز ہوئی تھی۔
