لاہور( این این آئی) سابق وفاقی وزیر داخلہ شیخ رشید احمد نے کہا ہے کہ معاشی سلامتی ملکی سلامتی اقتصادی سلامتی اور قومی سلامتی سب خطرے میں پڑ گئے ہیں،اب نوازشریف کو بلائیں اور اس کا بھی سیاسی کام تمام کرائیں،الیکشن ناگزیر ہیں سیاسی بکرے کی ماں کب تک الیکشن سے بھاگے گی۔ ٹوئٹر پر جاری اپنے بیان میں شیخ رشید نے کہا کہ پی ڈی ایم الیکشن سے فراری ہے تو پھر وہ ملک میں کیا چاہتی ہے،ملک میں اہم سیاست شروع ہوگئی ہے15جنوری سے15اپریل اہم ہیں،100دن میں انتخابی شیڈول آئے گا،پنجاب کے بعد خیبر پختوانخواہ اسمبلی تحلیل ہوگی،پھرسندھ اسمبلی سے ممبر واپس اورقومی اسمبلی سے استعفے منظورکرائیں گے۔انہوںنے کہا کہ بلدیاتی شعبدہ بازی کام نہیں آئے گی،جتنی دیر کریں گے اپنی سیاست ڈھیر کریں گے ،بینکوں کے لٹنے کے خوف سے سکیورٹی بڑھادی گئی ہے۔
