لاہور ( این این آئی) لاہور ہائیکورٹ نے مسلم لیگ (ق) کے مرکزی رہنما و سابق وفاقی وزیر مونس الٰہی کی اہلیہ تحریم الٰہی کو بیرون ملک جانے سے روکنے کے خلاف درخواست پر ایف آئی اے کو تحریری جواب داخل کرانے کی ہدایت کرتے ہوئے سماعت 20 جنوری تک ملتوی کر دی۔ عدالت عالیہ میں جسٹس شہرام سرور نے تحریم الٰہی کی درخواست پر سماعت کی۔ درخواست میں، وفاقی حکومت اور ایف آئی اے سمیت دیگر کو فریق بنایا گیا ۔درخواست میں موقف اختیار کیا گیا کہ منی لانڈرنگ کے الزام پر 5جنوری کو ایف آئی اے کی جانب سے طلبی کا نوٹس ملا، وقت کی کمی کی وجہ سے 6 جنوری تک جواب نہیں دے سکیں۔10جنوری کو ائیرپورٹ پر بیرون ملک جانے سے روک دیا گیا۔ ایف آئی اے کی جانب سے نام سٹاپ لسٹ میں ڈالا گیا اس حوالے سے ایف آئی اے نے قواعد وضوابط پورے نہیں کئے۔درخواست میں کہا گیا کہ بدنیتی کا مظاہرہ کرتے ہوئے نام پرویژنل نیشنل آئیڈینٹیفکیشن لسٹ(پی این آئی ایل) میں ڈالا گیا ہے۔سیاسی اور انتقامی کارروائی کا نشانہ بنایا گیا لہٰذا عدالت ایف آئی اے کا اقدام غیر قانونی قرار دے ۔عدالت نوفلائی لسٹ سے نام نکالنے اور بیرون ملک جانے کی اجازت دے۔عدالت میں ایڈیشنل اٹارنی جنرل نصر احمد نے درخواست کی مخالف کی۔ڈائریکٹر ایف آئی اے نے بتایا کہ 2020ء میں درخواست گزار کے اکائونٹ میں 27ملین کی رقم غیر قانونی آئی ،ایف آئی اے نے مقدمہ درج کیا جسکو اس عدالت نے خارج کر دیا ۔عدالت نے کہا کہ آپ تحریری جواب داخل کریں ۔جس کے بعد عدالت نے کی کی مزید سماعت 20جنوری تک ملتوی کر دی ۔
مقبول خبریں
مارچ کے مہینے میں آئی ٹی برآمدات سب سے زیادہ رہیں، شہباز شریف
اسلام آباد(این این آئی)وزیر اعظم شہباز شریف نے کہا ہے کہ مارچ کے مہینے میں انفارمیشن ٹیکنالوجی برآمدات سب سے زیادہ رہیں ،ہماری...
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
بیجنگ(این این آئی)ٹک ٹاک کے چیف ایگزیکٹوشو زی چیو نے کہا ہے کہ کمپنی امریکی صدر جو بائیڈن کے دستخط کردہ قانون کو چیلنج...
سڈنی، چاقوحملے میں جاں بحق پاکستانی گارڈ کی نمازجنازہ
سڈنی(این این آئی)آسٹریلوی شہر سڈنی میں گزشتہ دنوں ہونے والے چاقو حملے میں جاں بحق پاکستانی سیکیورٹی گارڈ فراز طاہر کی نماز جنازہ ادا...
طوفانی بارشوں سے تنزانیہ میں تباہی، 155افراد ہلاک
دودوما(این این آئی)تنزانیہ میں طوفانی بارشوں نے تباہی مچا دی، سیلاب اور لینڈ سلائیڈنگ کے نتیجے میں 155 افراد ہلاک ہو گئے ۔غیرملکی میڈیا...
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا...
غزہ(این این آئی)نصر میڈیکل کیمپ سے ملنے والی لاشوں میں سے 20 فلسطینیوں کو زندہ دفن کرنے کا دعوی سامنے آیا ہے۔غیرملکی میڈیا رپورٹس...