لندن (این این آئی)وفاقی وزیر داخلہ رانا ثنا ء اللہ نے کہا ہے کہ عمران خان پاکستان کو ڈیفالٹ کرنے کی مہم چلا رہا ہے۔میڈیا سے گفتگو کرتے ہوئے وفاقی وزیر داخلہ رانا ثناء اللہ نے کہا کہ پاگل پن کے شکار 30ـ35 لوگوں کو پارلیمنٹ سے دور کیا ہے، عمران خان کے پارلیمنٹ آنے کا مقصد گند کرنا ہے، اس کی سیاست کا مقصد سیاسی عدم استحکام پیدا کرنا ہے. انہوں نے کہا کہ ہم نے اداروں کو اس طرح بلیک میل نہیں کیا جس طرح عمران خان کرتا رہا ہے، عمران خان کے کالے کرتوت سامنے آئے ہیں، جس طرح اس نے چوری کی ہے اس پراس کی گرفتاری ہونی چاہیے، میرے خلاف بھی شرمناک مقدمہ بنایا تھا، ہم وہ کام نہیں کر رہے، ادارے اپنی طرف سے تحقیقات کر رہے ہیں۔رانا ثناء اللہ نے کہا کہ پارٹی کے بعض معاملات قائد نواز شریف کے ساتھ بیٹھ کر ہی زیر بحث آ سکتے ہیں، پنجاب اسمبلی کے الیکشن کی تیاری جاری ہے، موجودہ صورتحال میں نوازشریف سے ہدایات لینے لندن آیا ہوں۔انہوں نے کہا کہ مریم نواز کی واپسی کا فیصلہ ہو چکا ہے جس کے بعد نوازشریف آئیں گے، نواز شریف کا وطن واپسی پر فقید المثال استقبال ہوگا، پارٹی نوازشریف کی قیادت میں متحد ہے اور رہے گی، وہ پاکستان کے مقبول ترین لیڈر ہیں۔رانا ثنا ء اللہ نے کہا کہ کے پی کی حکومت دھرنے اور لانگ مارچ کر رہی تھی اس لیے وہاں مسائل ہوئے، کے پی حکومت کی عدم توجہ کے باعث وہاں دہشتگردی ہوئی، اس پر توجہ دے رہے ہیں۔انہوں نے کہا کہ پنجاب اسمبلی میں ہم ناکام نہیں ہوئے، تین دن تک ہمارے 179 ممبران پورے تھے۔رانا ثنا ء اللہ نے کہا کہ ریاست کے بعض دفاتر ایسے ہیں جن کا ڈیٹا لیک نہیں ہونا چاہیے، ڈیٹا لیک میں صحافی شاہد اسلم کا نام آیا تھا، شاہد اسلم کو عزت و احترام کے ساتھ رکھا گیا ہے، تفتیش میرٹ پر ہوگی، ان کے ساتھ انصاف ہوگا۔
مقبول خبریں
وزیر اعظم محمد شہباز شریف سے سپیکر پنجاب اسمبلی ملک محمد احمد خان کی...
لاہور(این این آئی)وزیر اعظم محمد شہباز شریف سے سپیکر پنجاب اسمبلی ملک محمد احمد خان نے یہاں ملاقات کی اور ملک کی مجموعی...
آئیوری کوسٹ کو پاکستانی چاول سمیت متعددبرآمدات بڑھانے کے بہت زیادہ امکانات موجود ہیں،صدر...
اسلام آباد (این این آئی)صدر مملکت آصف علی زرداری نے آئیوری کوسٹ کے ساتھ اقتصادی اور ثقافتی تعلقات بڑھانے کی ضرورت پر زور دیتے...
مجھے سیالکوٹ نے جتنی عزت بخشی ہے میری نسلیں بھی اس کا احسان...
سیالکوٹ(این این آئی)وزیر دفاع خواجہ محمد آصف نے کہا ہے کہ مجھے اس شہر نے جتنی عزت بخشی ہے میری نسلیں بھی اس...
فیڈرل بورڈ آف ریونیو کی تنظیم نو کی جارہی ہے، وزیراعظم خود اعلان...
اسلام آباد (این این آئی)وزیر اطلاعات عطا اللہ تارڑ نے کہا ہے کہ فیڈرل بورڈ آف ریونیو کی تنظیم نو کی جارہی ہے، اس...
پاکستان میں میڈیا، صحافیوں کے ساتھ کیا ہوا، اِس پر کتابیں لکھی جاسکتی ہیں،...
اسلام آباد (این این آئی)سپریم کورٹ میں وفاقی تحقیقاتی ادارے (ایف آئی اے) کی جانب سے صحافیوں کو جاری نوٹسز سے متعلق کیس...