ممبئی(این این آئی) بالی وڈ کے دو سپر اسٹار اداکارہ کیارا ایڈوانی اور اداکار سدھارتھ ملہوترا شادی کے بندھن میں بندھ گئے۔بھارتی میڈیا کے مطابق شادی کی تقریبات کا آغاز چار فروری کو جیسلمر میں ہوا، ہلدی، مہندی اور سنگیت کی محافل کے بعد منگل کے روز دونوں کی شادی ہوئی۔نو شادی شدہ جوڑے نے اپنی شادی کا اعلان انسٹاگرام پر کردیا ہے اور دلچسپ کیپشن لکھا ہے کہ اب ہماری مستقل بکنگ ہوگئی ہے۔شادی کی تقریب میں شوبز کی معروف شخصیات شاہد کپور، کرن جوہر، جوہی چاؤلہ اور دیگر نے شرکت کی۔یاد رہے کہ جیسلمیر میں واقع سوریا گڑھ پیلس ہوٹل نے بھی بالواسطہ طور پر سدھارتھ ملہوترا اور کیارا ایڈوانی کی شادی کی تصدیق کی ہے۔
