اسلام آباد (این این آئی)چیئرمین سینیٹ محمد صادق سنجرانی نے کہا ہے کہ سڑک اور ٹریفک حادثات لوگوں کو زندگی بھر کے لیے معذور کر سکتے ہیں،روڈ سیفٹی سے متعلقہ ایس ڈی جی اہداف کو حاصل کرنے کیلئے مل کر کام کرنا چاہیے،ٹرانسپورٹ،صحت، تعلیم اور دیگر شعبوں کو اجتماعی کوششوں کے ذریعے بہتر بنانا ہوگا،روڈ سیفٹی کے تازہ ترین قوانین کو بہتر بنانا ہوگا، قانون کے نفاذ کو بھی بہتر بنانا ہوگا۔ آئی پی سی کی بین الاقوامی روڈ سیفٹی کانفرنس سے خطاب کرتے ہوئے چیئر مین سینٹ نے کہاکہ میں روڈ سیفٹی سے متعلق اس اہم ترین کانفرنس میں شرکت کیلئے دنیا کے مختلف حصوں سے تعلق رکھنے والے تمام معزز اراکین پارلیمنٹ اور مہمانوں کا تہہ دل سے شکریہ ادا کرتا ہوں۔ انہوںنے کہاکہ آئی پی سی کی سیکرٹری جنرل سینیٹر ستارہ ایاز کو اس تقریب کے کامیاب انعقاد پر مبارکباد پیش کرتا ہوں۔ چیئرمین سینیٹ نے کہاکہ میں تمام اسٹیک ہولڈرز، خاص طور پر GIZ انٹرنیشنل سروسز، مستحکم پارلیمان، اور پاکستان انسٹی ٹیوٹ فار پارلیمانی سروسز کا بھی شکریہ ادا کرتا ہوں۔ انہوںنے کہاکہ سینیٹ اور حکومت پاکستان نے اس کے سفر میں مثبت اور تعمیری کردار ادا کیا اور ہر ممکن تعاون کیا۔ چیئرمین سینیٹ نے کہاکہ ترکی اور شام میں تباہ کن زلزلے کی وجہ سے ہونے والے جانی و مالی نقصان پر اپنی گہری تعزیت اور ہمدردی کا اظہار کرنا چاہوں گا۔ انہوںنے کہاکہ دنیا بھر کے ساتھی پارلیمنٹرینز کی جانب سے میں سوگوار خاندانوں کے لیے دعا گو ہوں۔ انہوںنے کہاکہ اس مشکل وقت میں ترکی اور شام کے برادر ممالک کے ساتھ کھڑے ہیں۔ چیئرمین سینیٹ نے کہاکہ آئی پی سی میں ہمارے مشترکہ چیلنجوں کو نمٹنے کی بہت زیادہ صلاحیت ہے۔ انہوںنے کہاکہ اس کے مشن کا ایک اہم پہلو تنازعات کا حل بھی ہے، جہاں دنیا بھر کے اراکین پارلیمنٹ اس پلیٹ فارم کو استعمال کر کے امن کے لیے ٹھوس تعاون کر سکتے ہیں۔ چیئرمین سینیٹ نے کہاکہ آئی پی سی اپنے مشن کے تعاقب میں انتھک کام جاری رکھے ہوئے ہے۔ انہوںنے کہاکہ آئی پی سی عالمی رہنماؤں کو ایک پلیٹ فارم فراہم کرتا ہے تاکہ وہ اہم معاملات پر اپنی خصوصی رائے اور تفہیم کا اشتراک کریں
مقبول خبریں
اسرائیل غزہ کے فلسطینیوں کا انخلا کر کے اس پر قبضے کی سوچ رہا...
ماسکو(این این آئی)فلسطینی اتھارٹی کے صدر محمود عباس نے کہا ہے کہ اسرائیل غزہ کی پٹی سے فلسطینیوں کو نکالنا چاہتا ہے۔ خاص طور...
موجودہ جنگ تہذیب اور سفاکیت کے درمیان لڑائی ہے،اسرائیلی وزیراعظم
پیرس(این این آئی)فرانس اور اسرائیل کے درمیان تعلقات میں تنا اور الفاظ کی جنگ کے بعد اسرائیلی وزیر اعظم نے میکرون کے حوالے سے...
روس کا اعلی سطح وفد اسرائیل پہنچ گیا، اسرائیلی وزیراعظم سے ملاقات متوقع
ماسکو(این این آئی)روس کا اعلی سطح کا وفد اسرائیل پہنچ گیا، وفد کی اسرائیلی وزیراعظم سے ملاقات متوقع ہے۔غیرملکی خبررساں ادارے کے مطابق روسی...
دبئی کو ایک لاکھ 85 ہزار نئے ملازمین کی ضرورت
دبئی(این این آئی)دبئی کو اگلے چھ سالوں میں ایک لاکھ 85 ہزار نئے ملازمین کی ضرورت ہوگی۔عرب ٹی وی کے مطابق سن 2030 تک...
بھارت میں جعلی عدالت کا انکشاف، 5 سال تک جعلی جج، وکیل متحرک رہے
احمد آباد(این این آئی)بھارتی ریاست گجرات میں جعلی عدالت قائم ہونے کا انکشاف ہوا ہے، فرضی عدالت میں جعلی جج، وکیل، اردلی بھی موجود...