لاہو ر( این این آئی) لاہور الیکٹرک سپلائی کمپنی (لیسکو) نے بل کی عدم ادائیگی پر کوٹ لکھپت جیل کی بجلی کاٹ دی ۔لیسکو حکام کا کہنا ہے کہ ڈسٹرکٹ جیل کوٹ لکھپت کی 5کروڑ 70لاکھ کی نادہندہ ہے۔حکام کے مطابق کوٹ لکھپت جیل حکام کو متعدد بار نوٹس دیئے لیکن بل ادا نہیں کیا گیا، عدم ادائیگی کی وجہ سے جیل کے 6 کنکشن منقطع کئے گئے ہیں۔لاہور پاور کمپنی کے مطابق بل کی ادائیگی تک جیل کی بجلی بحال نہیں کی جائے گی۔لیسکو حکام کاکہنا ہے کہ جیل کے کچھ حصوں میں بجلی کی بحالی سے نظام چل رہا ہے۔
