لاہور(این این آئی)کالا باغ میں دہشت گردوں کی جانب سے کانٹر ٹیرر ازم ڈپارٹمنٹ (سی ٹی ڈی)میانوالی کی ٹیم پر حملہ کیا گیا۔ترجمان سی ٹی ڈی کے مطابق دہشت گردوں کے ساتھ 20 منٹ تک فائرنگ کا تبادلہ جاری رہا، مقابلے میں ایک دہشت گرد ہلاک ہوا اور 2 فرار ہونے میں کامیاب ہو گئے۔سی ٹی ڈی ترجمان کے مطابق ہلاک دہشت گرد کی شناخت حبیب الرحمان کے نام سے ہوئی ہے جو کالعدم ٹی ٹی پی کا اہم کمانڈر تھا۔ترجمان کے مطابق ہلاک دہشت گرد سے کلاشنکوف، خودکش جیکٹ اور ٹی ٹی پی کے اسٹیکرز بھی برآمد ہوئے ہیں جبکہ 2 فرار دہشت گردوں کی تلاش کیلئے سرچ آپریشن شروع کر دیا گیا ۔
