اسلام آباد (این این آئی) نادرا کی جانب سے صارفین کے ذاتی ڈیٹا تحفظ کیلئے نیا اقدام سامنے آیا ہے۔نیشنل ڈیٹا بیس اینڈ رجسٹریشن اتھارٹی (نادرا)نے صارفین کا موبائل نمبر ریکارڈ میں لازمی شامل کرنے کا فیصلہ کرلیا۔اعلامئے کے مطابق نادرا سنٹرجانیوالوں کو اپنے نام پر رجسٹرڈ سم کا نمبر لازمی اندراج کرانا ہوگا۔دوسری جانب نادرا کے اس فیصلے سے رجسٹرڈ موبائل فون سم نہ رکھنے والوں کو مشکلات کا سامنا ہوگا۔
