سرگودھا(این این آئی)قومی شاہراہ موٹروے پر باراتیوں سے بھری بس ٹائر پھٹ جانے کے باعث بے قابو ہو کر کئی گاڑیوں سے ٹکراتی ہوئی الٹ گئی جس کے نتیجہ میں ماں بیٹی اور ڈرائیور،کنڈیکٹر سمیت 14 افراد جاںبحق اور 60 افراد شدید زخمی ہو گئے جن کو انتہائی جدوجہد کے بعد نکال کر ہسپتال منتقل کر کے 9 کو تشویشناک حالت میں ریفر کر دیا گیا اور جائے حادثہ پر امداد کام رات بھر جاری رہا۔بس میں ایک ہی خاندان کے 50 سے زائد باراتی سوار تھے جو بارات لیکر اسلام آباد سے واپس لاہور جا رہے تھے کہ کلرکہار کے قریب بس حادثہ میں کسی کو باہر نکلنے کا موقع نہ ملا اور بس مکمل طور پر تباہ ہو کر رہ گئی۔اس المناک حادثہ پر وزیراعظم،صدر مملکت،نگران وزیر اعلی اور گورنر سمیت شخصیات اور افسران نے اظہار افسوس کرتے ہوئے زخمیوں کو بہترین علاج معالجہ کی سہولیات کے احکامات جاری کر دیئے۔زرائع کے مطابق قومی شاہراہ موٹر وے پر لاہور سے اسلام آباد جانے والی ایک ہی خاندان کے باراتیوں سے بھری بس کلرکہار موٹروے سالٹ رینجر میں ٹائر پھٹنے سے بے قابو ہو کر دیوار توڑ کر مخالف سمیت سے آنے والی گاڑیوں دو کاروں اور سوزوکی پیک اپ وغیرہ سے ٹکراتی ہوئی کھائی میں الٹ گئی۔ جس میں سوار 50 سے زائد باراتیوں کو باہر نکلنے کا موقع نہ مل سکا اور نہ ہی تیز رفتاری کے باعث ڈرائیور بھی گاڑی پرقابو نہ پا سکا۔اس حادثہ کی اطلاع ملتے ہی ریسکیو 1122 کے افسران اور رضاکار جائے وقوعہ پر پہنچ اورنعشوں و زخمیوں کو گاڑی کاٹ کر نکالنے کا عمل شروع کر دیا جس میں ماں بیٹے اور ڈرائیور کنڈیکٹر سمیت 14 افراد جاںبحق فرح شہزاد،رضیہ رمضان،غلام علی، عبدالستار، عمر،مزدان بی بی ،نازیہ بی بی، ریاض،بیکن بی بی،زکیہ عمر،جاوید،محسن وغیرہ جاںبحق اور 60 افراد محمود، پرویز،ارشد،غلام قاسم، نورین بی بی، عثمان، مظفر، ریاض، سدرہ بی بی،شازیہ بی بی، اقصی بی بی،سعید،سہیل، نویدعلی،شہزاد،افروز بی بی،ہجیب،مسرت بی بی،زہیرہ بی بی،مہرین بی بی، اصغر، عمران،رضیہ بی بی،مومن، صاحب الحسن، کاشف، بخت بی بی،صغیر حسنین،فتح بی بی،عطائ،رینہ بی بی،نگہت بی بی،طاہر،مہرین بی بی،گلناز،نور محمد،بشیر،علی حمزہ، محمود، حاصل، رحمن، ریاض،افشیں بی بی کرم علم دار نور محمد، باقر، مسعود، ہاجرہ، زہیرہ،رضوان،متین بی بی، سلیمان،شازیہ،علی حیدر،سکنہ بی بی،شدید زخمی ہو گے جن کو قریبی ہسپتال منتقل کر کے 9 افراد کو تشویشناک حالت میں ٹراما سنٹر ریفر کر دیا گیا۔ ترجمان ریسکیو 1122 کے مطابق بیشتر زخمیوں کی حالت تشویشناک ہے جنہیں کلرکہار کے ٹراما سینٹر منتقل کیا گیا۔اس حادثہ پر وزیراعظم، صدر مملکت،نگران وزیراعلی،گورنر سمیت شخصیات نے اظہار افسوس کرتے ہوئے زخمیوں کو بہترین طبی سہولیات فراہم کرنے کا حکم دے دیا۔
