اسلام آباد (این این آئی)الیکشن کمیشن آف پاکستان نے صدر مملکت کی جانب سے انتخابات کیلئے تاریخ مقرر کر نے کے فیصلے کے بعد اٹارنی جنرل اور قانونی ماہرین سے رہنمائی لینے کا فیصلہ کیا ہے ۔ جاری اعلامیہ کے مطابق الیکشن کمیشن کا اہم اجلاس سکندرسلطان راجہ چیف الیکشن کمشنر کی صدارت میں ہواجس میں معزز ممبران الیکشن کمیشن بھی شریک ہوئے۔ اجلاس میں الیکشن کمیشن نے فیصلہ کیا کہ الیکشن کمیشن آئین اور قانون کے مطابق بغیر کسی دبائو کے فیصلہ کرتا رہا ہے اور کرتا رہے گا۔ اعلامیہ کے مطابق الیکشن کمیشن ہر وقت آئین اور قانون کے تحت 90دن میں الیکشن کروانے کیلئے تیار رہتا ہے مگر آئین اور قانون میں کہیں بھی نہیں لکھا کہ الیکشن کی تاریخ کمیشن دے گا مگر مجاز اتھارٹی کی طرف سے تاریخ مقرر کرنے کے بعد کمیشن فوراً الیکشن شیڈول دیکر الیکشن کروانے کا پابند ہے۔ صدرپاکستان کی طرف سے تاریخ مقرر کرنے کے بعد کمیشن کی میٹنگ میں اس پر تفصیلاً غور کیا گیا اور اٹارنی جنرل آف پاکستان اور دیگر قانونی ماہرین سے مزید رہنمائی لینے کا فیصلہ کیا گیا اس سلسلہ میں اٹارنی جنرل آف پاکستان کو آج) بدھ کو مورخہ 22فرور ی 2023 کیلئے دعوت دی گئی ہے اور مشاورت کے لئے دوآئینی / قانونی ماہرین کا انتخاب کیا جا رہاہے۔
