اسلام آباد (این این آئی)وفاقی وزیر آئی ٹی سید امین الحق نے اسلام آباد میں 3 روزہ عالمی آئی ٹی سی این ایشیا نمائش کا افتتاح کردیا۔ اس موقع پر سیدامین الحق نے کہاکہ کانفرنس کا مقصد سرمایہ کاری رجحان میں اضافہ،ٹیک کمپنیوں کے باہمی اشتراک کا فروغ ہے۔ وفاقی وزیرنے کہاکہ 22 ویں آئی ٹی سی این نمائش کے انعقاد پر ای کامرس گیٹ وے،اسٹیک ہولڈرز مبارکباد کے مستحق ہیں۔ سید امین الحق نے کہاکہ گذشتہ 20 برس سے تسلسل کے ساتھ ہونے والا آئی ٹی و ٹیلی کام سے متعلق بہت بڑا ایونٹ ہے۔امین الحق نے کہاکہ نمائش میں شریک 200 سے زائد ملکی و غیر ملکی ٹیکنالوجی کمپنیوں کو خوش آمدید کہتے ہیں۔ سید امین الحق نے کہاکہ نمائش میں سافٹ ویئر ایکسپورٹ بورڈ، این آئی ٹی بی، اگنائٹ اور پاشا کے پویلینز بھی ہیں۔ انہوںنے کہاکہ پاکستان میں آئی ٹی و ٹیلی کام سیکٹر میں سرمایہ کاری کے وسیع مواقع ہیں۔امین الحق نے کہاکہ سرمایہ کاروں کو وزارت آئی ٹی کی جانب سے ہر ممکن سہولت و تعاون بھی فراہم کریں گے۔
