راولپنڈی (این این آئی)پاک فوج کی 33 رکنی سریچ و ریسکیو ٹیم کی ترکیہ سے وطن واپس پہنچ گئی ،پاک فوج کی ٹیم نے ترکیہ کے زلزلہ متاثرہ علاقوں میں 17 روزہ ریسکیو آپریشن میں حصہ لیا ۔ ترجمان این ڈی ایم اے کے مطابق وزیراعظم کی ہدایت پر این ڈی ایم اے نے پاک فوج کی منظم ٹیم 6 فروری کو ترکیہ بھجوانے کا انتظام کیا تھا،این ڈی ایم اے نے ریسکیو 1122کی 53 رکنی ٹیم ترکیہ بھجوانے کا بندوبست کیا تھا،ٹیم کا استقبال وفاقی وزیر تعلیم رانا تنویر,پاکستان میں ترکی کے سفیر اور این ڈی ایم اے نے کی،تقریب میں ترکیہ ایمبیسی اور وزرات خارجہ کے افسران بھی شامل تھے،ترکی کے سفیر نے پاک فوج کی ٹیم کو خراج تحسین پیش کیا ،ترکیہ کی ایمبیسی کی جانب سے پاک فورج کی ٹیم کو پھولوں کا گلدستہ پیش کیا گیا ۔ ترجمان کے مطابق این ڈی ایم اے ترکیہ کی ڈیزاسٹر منیجمنٹ تنظیم آفاد کیساتھ مکمل رابطے میں ہے ،ترکیہ کو این ڈی ایم اے کیجانب سے ریلیف و بحالی کی سرگرمیوں میں تعاون فراہم کیا جائے گا۔
