سرگودھا(این این آئی)عالمی مجلس تحفظ ختم نبوت سرگودھا نے ڈی جی اینٹی کرپشن پنجاب وقاص حسن نتھوکہ کے تقرر کے حکومتی فیصلہ کے خلاف احتجاج کرتے ہوئے فوری طور پر ان کی برطرفی اور قادنیوں کو کلیدی عہدوں سے ہٹانے کا مطالبہ کر دیا۔ عالمی مجلس تحفظ ختم نبوت سرگودھا کے زیر اہتمام ڈی جی اینٹی کرپشن پنجاب وقاص حسن نتھوکہ کے تقرر کے حکومتی فیصلہ پر مرکزی جامع مسجد بلاک نمبر 1 سے چوک بلاک نمبر 12 تک احتجاجی مظاہرہ کیا گیا جس میں امیر ضلع مولانا نور محمد ہزاروی، نائب امیر قاری عبدالوحید،مولانا عبدالرشید، مفتی جہانگیر حیدر، مولانا حیدر علی،حافظ عثمان، مولانا عبدالرحمان بھکروی، چوہدری محمد اجمل، پروفیسر عاصم اشتیاق اور دیگر نے اپنے خطاب میں انکشاف کیا کہ وقاص حسن نتھوکہ سکہ بند قادیانی ہے اس لئے نگران حکومت سابقہ حکومتوں کی طرح قادیانیت نوازی کو فروغ نہ دے مقررین نے کہا کہ قادیانیوں کی بڑھتی ہوئی ریشہ دوانیاں اور شرانگیزیاں اس بات کی واضح علامت ہیں کہ ادارے امتناع قادیانیت ایکٹ پر عملدرآمد نہیں کروا رہے ہیں جس کی وجہ سے ملک میں قادیانیوں کی بڑھتی ہو ئی سرگرمیوں پر پوری قوم شدیدتشویش میں مبتلا ہے۔ کلیدی عہدوں ںپر موجود قادیانی ملکی سلامتی کے لیے خطرہ ہیں۔انہوں نے وقاص حسن نتھوکہ کی فوری برطرفی کا مطالبہ کرتے ہوئے کہا کہ قادیانیوں کو کلیدی عہدوں سے ہٹایا جائے بصورت دیگر اہل اسلام بھر پور احتجاج پر مجبور ہونگے۔
