اسلام آباد (این این آئی) وزیر اعظم شہباز شریف نے ہدایت کی ہے کہ شہریوں کے لئے شناختی کارڈ اور پاسپورٹ کے حصول میں آسانیاں پیدا کی جائے ،نادرا کے مراکز میں پاسپورٹ دفتر کے کاؤنٹرز قائم کیے جائیں،کفایت شعاری اور بچت کو مدنظر رکھتے ہوئے نادرا اور ڈائریکٹوریٹ جنرل آف امیگریشن اینڈ پاسپورٹس دفتر کی جگہ اور وسائل شیئر کریں تاکہ قومی خزانے پر کم بوجھ پڑے جبکہ وزیراعظم کے شہریوں کو شناختی کارڈ کی سروس ان کی دہلیز پر مہیا کرنے کے لیے وزیراعظم نے موبائل نادرا وینز کی تعداد فوری بڑھانے کے احکامات کر دیئے گئے ۔ بدھ کو وزیراعظم ہائوس سے جاری اعلامیہ کے مطابق اجلاس کو بتایاگیاکہ وزیراعظم محمد شہباز شریف کی زیر صدارت شہریوں کے لئے شناختی کارڈ اور پاسپورٹ کے حصول میں آسانیاں پیدا کرنے کے حوالے سے ایک اہم اجلاس اسلام آباد میں منعقد ہوا. اجلاس کے شرکاء سے گفتگو کرتے ہوئے وزیراعظم نے کہا کہ شناختی کارڈ اور پاسپورٹ کا حصول ہر شہری کا بنیادی حق ہے. انہوں نے تاکید کی کہ عام شہریوں کو انکے گھر کی دہلیز پر شناختی کارڈ اور پاسپورٹ کی فراہمی کے حوالے سے اقدامات میں مزید بہتری لائی جائے اور یہ یقینی بنایا جائے کہ ہر شہری کو اس حوالے سے یکساں سہولیات میسر ہوں،اس تناظر میں وزیراعظم نے نادرا کی وینز کی تعداد بڑھائی فوری بڑھانے کے احکامات بھی دئیے۔وزیراعظم نے ہدایت کی کہ کفایت شعاری اور بچت کو سامنے رکھتے ہوئے نادرا مراکز میں پاسپورٹ کے کاؤنٹرز قائم کئے جائیں. انہوں نے مزید ہدایت کی کہ نادرا اور ڈائریکٹوریٹ جنرل آف امیگریشن اینڈ پاسپورٹس دفتر کی جگہ اور وسائل شئیر کریں تا کہ قومی خزانے پر کم سے کم بوجھ پڑے. وزیراعظم نے احکامات دئیے کہ پاسپورٹ دفاتر کے قیام کیجتنے بھی منصوبے منظور ہو چکے ہیں وہ نادرا کے پہلے سے موجود دفاتر میں قائم ہوں۔اجلاس کو بریفنگ میں بتایا گیا کہ صارفین کی سہولت کے لئے نادرا ایک نئی موبائل فون ایپلیکیشن شروع کرنے جا رہا ہے جس کے ذریعے گھر بیٹھے شناختی کارڈ کی تجدید ہو سکے گی۔ اجلاس کو بتایاگیا کہ شہریوں کو گھر بیٹھے شناختی کارڈ کی تجدید کی سہولت کے لیے نادرا نئی موبائل فون ایپلیکیشن شروع کر رہا ہے۔اجلاس میں وفاقی وزیر خزانہ و محصولات اسحاق ڈار، وفاقی وزیر داخلہ رانا ثنا اللہ، وفاقی وزیر تعلیم رانا تنویر حسین, چیئرمین نادرا , ڈائریکٹر جنرل امیگریشن اینڈ پاسپورٹس اور متعلقہ اعلیٰ سرکاری افسران نے شرکت کی۔
مقبول خبریں
اگلے چند روز میں سعودی عرب کا اعلیٰ اختیاراتی وفد پاکستان آ رہا ہے،عطاء...
اسلام آباد (این این آئی) وفاقی وزیراطلاعات ونشریات عطاء اللہ تارڑ نے کہا ہے کہ اگلے چند روز میں سعودی عرب کا اعلیٰ...
وزیراعظم شہباز شریف کامتحدہ عرب امارات کے شاہی خاندان کے رکن شیخ طحنون بن...
اسلام آباد(این این آئی)وزیراعظم شہباز شریف نے متحدہ عرب امارات کے شاہی خاندان کیرکن اور ممتاز کاروباری شخصیت شیخ طحنون بن محمد النہیان...
امریکا کو پاکستان کی جانب سے اڈے دینے کے قیاس آرائیوں میں کوئی صداقت...
اسلام آباد (این این آئی)ترجمان دفتر خارجہ نے کہا ہے کہ امریکا کو پاکستان کی جانب سے اڈے دینے کے قیاس آرائیوں میں کوئی...
اپنی آئینی حدود کو بخوبی جانتے، دوسروں سے بھی پاسداری مقدم رکھنے کی توقع...
راولپنڈی (این این آئی)آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے...
امریکی ڈیموکریٹس کا رفح حملہ روکنے کیلئے بائیڈن کو کھلا خط
واشنگٹن (این این آئی)غزہ کے شہر رفح میں اسرائیلی حملے روکنے کے لیے 57 امریکی ڈیموکریٹس نے ایک کھلے خط پر دستخط کرتے ہوئے...