اسلام آباد (این این آئی)وفاقی وزیر اور ترجمان پیپلزپارٹی پارلیمنٹرینز شازیہ مری نے کہاہے کہ عمران احمد نیازی عدالتوں میں ہجوم اکٹھا کرکے کہتا ہے اس کی جان کو خطرہ ہے۔ اپنے بیان میں شازیہ مری نے کہاکہ عمران احمد نیازی عدالتوں میں ہجوم اکٹھا کرکے کہتا ہے اس کی جان کو خطرہ ہے۔ انہوںنے کہاکہ عمران نیازی عدالتوں میں پیش نہ ہونے کے بہانے بنا رہا ہے، عمران نیازی خود کو غیر محفوظ سمجھ رہا ہے تو اس کے لیئے جیل محفوظ جگہ ہے۔ شازیہ مری نے کہاکہ عمران نیازی اپنا موازنہ محترمہ بینظیر بھٹو شہید سے نہ کرے، محترمہ بینظیر بھٹو شہید نے دہشت گردوں کی مزاحمت کی جبکہ عمران نیازی نے حمایت کی۔
