کرونا کیسز میں اضافہ، سندھ کے اسپتالوں میں طبی عملہ بھرتی کرنے کی اجازت

0
606

کراچی(این این آئی) کورونا وائرس کے کیسز میں اضافے اور اسپتالوں میں مریضوں کے بڑھتے ہوئے دبائو کے باعث سندھ حکومت نے صوبے کے اسپتالوں میں اسٹاف کی بھرتی کی اجازت دے دی ہے۔ذرائع کے مطابق محکمہ صحت سندھ نے سول اسپتال ، سروسز اسپتال ، لیاری جنرل اسپتال ، لیاقت یونیورسٹی اسپتال ، حیدرآباد جام شورو ، غلام محمد مہر میڈیکل کالج کے ایم ایس کو اسٹاف کی بھرتی کا مراسلہ بھیجا ہے۔محکمہ صحت سندھ کی جانب سے جاری مراسلے میں کہا گیاہے کہ کرونا وائرس کی ڈیوٹی کیلیے آئی سی یو اور ہائی ڈیسنٹی یونٹ( ایچ ڈی یو)کے لیے اسٹاف بھرتی کیا جاسکتا ہے، یہ اسٹاف سرکاری اسپتال میں بھرتی ہوگا، جو کورونا کیسز کے حوالے سے اپنی خدمات انجام دے گا۔محکمہ صحت کی جانب سے کہا گیا ہے کہ یہ اسٹاف نواسی روز کے لیے بھرتی کیا جائے گا، اس دوران انہیں تمام واجبات بھی ادا کیے جائیں گے۔