اسلام آباد (این این آئی)اسلام آباد ہائیکورٹ نے عمران خان کی گرفتاری سے روک دیا۔اسلام آباد ہائیکورٹ کے چیف جسٹس عامرفاروق نے عمران خان کی وارنٹ معطلی کی درخواست پر سماعت کی۔سماعت کے آغاز پر چیف جسٹس اسلام آباد نے استفسار کیا کہ درخواست پرکچھ آفس اعتراضات تھے وہ دور ہوگئے؟عمران خان کے وکیل خواجہ حارث نے عدالت کو بتایا کہ بائیومیٹرک اعتراض دور کردیا گیا ہے، یہ بھی اعتراض تھا کہ جومعاملہ پہلے طے ہوچکا وہ دوبارہ کیسے سنا جاسکتا ہے، عدالت نے معاملہ طے نہیں کیا،ٹرائل کورٹ کو بھجوایا تھا۔چیف جسٹس نے کہا کہ ٹرائل کورٹ کو کہا تھا کہ وہ انڈرٹیکنگ کے معاملے کو دیکھے۔وکیل خواجہ حارث نے کہا کہ ٹرائل کورٹ انڈرٹیکنگ سے مطمئن نہیں ہوئی، عمران خان خود رضاکارانہ طور پر عدالت میں پیش ہونا چاہتے ہیں، انڈرٹیکنگ ناصرف موجود ہے بلکہ ہم نے ایک اوردرخواست بھی دی ہے، ہم نے انتظامیہ کو سیکیورٹی فراہم کرنے کا بھی کہا ہے۔خواجہ حارث نے کہا کہ انڈرٹیکنگ کیساتھ وہ اقدامات بھی کیے کہ پتہ چلے عمران خان پیش ہونا چاہتے ہیں۔چیف جسٹس اسلام آباد عامرفاروق نے کہا کہ قانون کے سامنے سب برابرہیں، اب آپ عدالت میں پیش ہونا چاہتے ہیں اور یقین دہانی کرارہے ہیں؟وکیل خواجہ حارث نے کہا کہ عدالت وارنٹ معطل کردے تاکہ (آج) ہفتہ کو پیش ہوسکیں، عمران خان کی جانب سے عدالت پیش ہونے کی انڈرٹیکنگ اصل ہے۔چیف جسٹس اسلام آباد نے کہا کہ آپ کو معلوم ہے کہ اگر انڈرٹیکنگ پرعمل نہ ہوتو اس کے نتائج ہوں گے۔اسلام آباد ہائیکورٹ نے عمران خان کی گرفتاری سے روکتے ہوئے ہدایت دیں کہ عمران خان کو (آج) ہفتہ کو عدالت پیش ہونے کا موقع دیا جائے، ڈسٹرکٹ ایڈمنسٹریشن اور اسلام آباد پولیس سیکیورٹی مہیا کرنے کیلئے اقدامات کرے۔چیف جسٹس اسلام آباد نے ریمارکس دیئے کہ یہ جان لیں کہ یہ انڈرٹیکنگ عدالت کے سامنے بیان کے مترادف ہے، اس انڈرٹیکنگ کی خلاف ورزی کی گئی تو اسکے نتائج ہوں گے، اگرخلاف ورزی کی گئی تو پھر توہین عدالت کی کارروائی ہوگی۔واضح رہے کہ چیئرمین پی ٹی آئی، سابق وزیرِ اعظم عمران خان نے توشہ خانہ فوجداری کارروائی کے کیس میں وارنٹ منسوخی کی درخواست مسترد ہونے کا فیصلہ چیلنج کیا تھا اور اپنی درخواست میں کہا تھا کہ ہفتہ کو عدالت میں خود پیش ہو جائوں گا، پولیس کو گرفتاری سے روکا جائے۔عمران خان نے اپنے وکیل خواجہ حارث کے ذریعے درخواست دائر کی ہے جس میں استدعا کی گئی ہے کہ انڈر ٹیکنگ تسلیم کر کے پولیس کو گرفتاری سے روکا جائے۔عمران خان نے عدالت سے استدعا کی ہے کہ میری گرفتاری عدالت کی پیشگی اجازت سے مشروط کی جائے۔درخواست میں کہا گیا کہ سیشن کورٹ نے گزشتہ روز عمران خان کی وارنٹ منسوخی کی درخواست خارج کر دی تھی۔عمران خان کی جانب سے درخواست میں آج ہی سماعت کی استدعا بھی کی گئی ہے۔واضح رہے کہ توشہ خانہ کیس میں اسلام آباد کی سیشن عدالت نے گزشتہ روز عمران خان کی انڈر ٹیکنگ مسترد کردی تھی اور پولیس کو عمران خان کو گرفتار کر کے 18 مارچ کوپیش کرنے کا حکم دیا تھا۔
مقبول خبریں
وزیر اعظم محمد شہباز شریف سے سپیکر پنجاب اسمبلی ملک محمد احمد خان کی...
لاہور(این این آئی)وزیر اعظم محمد شہباز شریف سے سپیکر پنجاب اسمبلی ملک محمد احمد خان نے یہاں ملاقات کی اور ملک کی مجموعی...
آئیوری کوسٹ کو پاکستانی چاول سمیت متعددبرآمدات بڑھانے کے بہت زیادہ امکانات موجود ہیں،صدر...
اسلام آباد (این این آئی)صدر مملکت آصف علی زرداری نے آئیوری کوسٹ کے ساتھ اقتصادی اور ثقافتی تعلقات بڑھانے کی ضرورت پر زور دیتے...
مجھے سیالکوٹ نے جتنی عزت بخشی ہے میری نسلیں بھی اس کا احسان...
سیالکوٹ(این این آئی)وزیر دفاع خواجہ محمد آصف نے کہا ہے کہ مجھے اس شہر نے جتنی عزت بخشی ہے میری نسلیں بھی اس...
فیڈرل بورڈ آف ریونیو کی تنظیم نو کی جارہی ہے، وزیراعظم خود اعلان...
اسلام آباد (این این آئی)وزیر اطلاعات عطا اللہ تارڑ نے کہا ہے کہ فیڈرل بورڈ آف ریونیو کی تنظیم نو کی جارہی ہے، اس...
پاکستان میں میڈیا، صحافیوں کے ساتھ کیا ہوا، اِس پر کتابیں لکھی جاسکتی ہیں،...
اسلام آباد (این این آئی)سپریم کورٹ میں وفاقی تحقیقاتی ادارے (ایف آئی اے) کی جانب سے صحافیوں کو جاری نوٹسز سے متعلق کیس...