لاہور ( این این آئی) پاکستان مسلم لیگ (ن) کے مرکزی رہنما و سابق وزیر اعلیٰ پنجاب حمزہ شہباز نے کہا ہے کہ جمہوریت اور آئین و قانون کی پابندی ہی آگے بڑھنے کا راستہ ہے،جھوٹ نفرت اور فسادی سیاست کا اس ملک میں کوئی مستقبل نہیں۔ انہوں نے 23مارچ پر اپنے پیغام میں کہا کہ 23مارچ ہماری قومی تاریخ کا سنہرا دن ہے، آج ہماری جس منزل کا تعین ہوا اس کا نام پاکستان ہے۔ آج تجدید عہد کا دن ہے کہ پاکستان کو ترقی اور خوشحالی کا گہوارہ بنائیں گے،قومی اتحاد و یکجہتی یوم پاکستان کا پیغام بھی ہے اور وقت کی آواز بھی۔حمزہ شہباز نے کہا کہ جمہوریت اور آئین و قانون کی پابندی ہی آگے بڑھنے کا راستہ ہے۔ جھوٹ نفرت اور فسادی سیاست کا اس ملک میں کوئی مستقبل نہیں۔
