پولیس پرتشدد، جلائو گھیرائو کیس،فواد، حماد اور فرخ کی عبوری ضمانتیں خارج

0
187

لاہور ( این این آئی) پولیس پر تشدد، اقدام قتل، جلائوگھیرائو کرنے اور کارِ سرکار میں مداخلت کے کیس میں پاکستان تحریک انصاف کے رہنمائوں فواد چودھری، حماد اظہر، فرخ حبیب کی عبوری ضمانتیں عدم پیروی پر خارج کر دی گئیں۔لاہور کی انسداد دہشتگردی عدالت میں پی ٹی آئی کی ریلی کے وقت پولیس تشدد، اقدام قتل اور کارِ سرکار میں مداخلت سے متعلق کیس کی سماعت ہوئی۔فواد چودھری، حماد اظہر اور فرخ حبیب عدالت پیش نہ ہوئے جس پر عدالت نے پی ٹی آئی رہنمائوں کی عبوری ضمانتیں عدم پر پیروی پر خارج کر دیں۔دوسری جانب پی ٹی آئی رہنما محمود الرشید اور اعجاز چودھری انسداد دہشتگردی عدالت میں پیش ہوئے، عدالت نے دونوں رہنمائوں کو حاضری لگانے کے بعد جانے کی اجازت دیتے ہوئے عبوری ضمانت میں 4 اپریل تک توسیع کر دی۔تحریک انصاف کے رہنمائوں کے خلاف تھانہ ریس کورس پولیس نے 12مختلف دفعات کے تحت مقدمہ درج کررکھا ہے۔