بیرسٹر امجد ملک نے جدید خطوط پر مسلم لیگ (ن )اوورسیز انٹرنیشنل افیئرز کو مربوط اور ہم آہنگ کیا،سابق وفاقی وزیر مذہبی امور سر دار محمد یوسف

0
294

ریاض (این این آئی)پاکستان مسلم لیگ (ن)کے رہنما اور سابق وزیر مذہبی امور سر دار محمد یوسف نے کہاہے کہ نوازشریف پاکستان کے مستقبل اور ترقی کے ضامن ہیں ، نوازشریف جلد واپس آئیں گے ۔تفصیلات کے مطابق سابق وفاقی وزیر حج سردار محمد یوسف کی مدینہ منورہ آمد کے موقع پر ان کے اعزاز میں پروقار تقریب اور عشائیہ کا اہتمام کیاگیا جس کے میزبان مسلم لیگ (ن)کے چیف کو آر ڈینیٹر اوورسیز انٹر نیشنل افیئرز بیرسٹر امجد ملک تھے ۔تقریب میں شیخ سعید احمد صدر مسلم لیگ (ن) سینر نائب صدر محمود الحق ڈوگر ،صدر ریاض ریجن عدنان اقبال بٹ اور مسلم لیگ مدینہ منورہ کے صدر جاوید اقبال بٹ ، دیگر عہدیدران اور ممبر مجلس عاملہ اور کیمونٹی کے لوگ بڑی تعدا د میں شریک ہوئے ۔ اس موقع پر مقررین نے سابق وزیر سر دار محمد یوسف کو 2013سے 2018میں بطور وزیر مذہبی امور بہترین خدمات سر انجام دینے پر زبردست خراج تحسین پیش کیا ۔ اس موقع پر سر دار محمد یوسف نے کہاکہ نوازشریف جلد واپس آئیں گے ان کے واپس آنے سے پارٹی میں نئی جان آئے گی اور ووٹ بینک بھی بڑھے گا ۔ انہوںنے کہاکہ بیرسٹر امجد ملک نے جدید خطوط پر مسلم لیگ (ن )اوورسیز انٹرنیشنل افیئرز کو مربوط اور ہم آہنگ کیا ہے۔ اس موقع پر بیرسٹر امجد ملک نے کہاکہ سر دار محمد یوسف نے بطور وزیر مذہبی امور بہترین خدمات سر انجام دیں ،لوگ آج بھی سابق وزیر سر دار یوسف کو دعائیں دیتے ہیں ۔ اس موقع پر جاوید اقبال بٹ اور شیخ سعید نے بھی سر دار محمد یوسف کی خدمات پر ان کو زبردست خراج تحسین پیش کیا ۔بیرسڑ امجد ملک نے اپنے تنظیمی دورے میں سب تنظیموں کے عہدیدران اور ممبران مجلس عاملہ کا شکریہ ادا کرتے ہوئے کہا کہ سب تنظیموں کی طرف قائد محترم میاں نواز شریف کو آپ کے خلوص بھرا پیار پہنچاﺅں گا۔بعد ازاں بیرسٹر امجد مانچسٹر روانہ ہوگئے ۔