لاہور( این این آئی)انسداد دہشتگردی عدالت نے جلا ئو گھیرائو،توڑ پھوڑ اور کار سرکار میں مداخلت کے مقدمے میں تحریک انصاف کے رہنمائوںاسد عمر ،ڈاکٹر یاسمین راشد، میاں اسلم اقبال اور فرخ حبیب سمیت 8 ملزمان کی ضمانتیں کنفرم کردیں ۔انسداد دہشتگردی عدالت کی ایڈمن جج عبہر گل خان نے محفوظ فیصلہ سنایا۔عدالت نے ملزمان کو ایک ایک لاکھ روپے کے ضمانتی مچلکے جمع کرانے کا حکم دے دیا۔ملزمان کے خلاف تھانہ شاد مان پولیس نے کینال روڈ پر توڑپھوڑ، جلائو گھیرائو ،پولیس پر تشدد اور کار سرکارمیں مداخلت کا مقدمہ درج کررکھا ہے۔دوران سماعت تمام ملزمان عدالت میں پیش ہوئے اور اپنی حاضری مکمل کرائی ۔ عدالت نے آٹھ ملزمان کی ضمانتیں کنفرم کرتے ہوئے ایک ، ایک لاکھ روپے کے مچلکے جمع کرانے کی ہدایت کر دی۔
