اسلام آباد (این این آئی)سابق وزیر خارجہ خورشید محمود قصوری نے کہا ہے کہ پاکستان کا موقف وزیر خارجہ بلاول بھٹو نے بھر پور انداز میں پیش کیا۔ایک بیان میں خورشید محمود قصوری نے کہا کہ میں نے قومی مفادات پر کبھی سیاست نہیں کی، سیاست بازی کیلئے ایک دوسرے پر اعتراض کیا جاتا ہے۔ خورشید محمود قصوری نے کہا کہ ملک آج کل بہت مسائل میں گھرا ہوا ہے، بھارت کی خواہش ہے کہ پاکستان کسی طرح سے عالمی سطح پر تنہا ہوجائے، پاکستان کسی بھی صورت سفارتی سطح پر تنہا نہیں ہوسکتا،کوئی بھی انٹرنیشنل فورم نہیں چھوڑنا چاہیے جہاں ہم پاکستان کا موقف پیش کرسکتے ہیں۔
