لاہور( این این آئی)بغیر لائسنس ڈرائیونگ پر کریک ڈائون جاری ہے ،مہم کے دوسرے ہفتے بغیر لائسنس 23 ہزار سے زائد ڈرائیورز کو جرمانہ کیا گیا۔لرنر پرمٹ رکھنے والے 63 ہزار سے زائد شہریوں کو وارننگ، ایجوکیٹ کیا گیا،زائد العمیاد لائسنس پر ڈرائیونگ کرنے 15 ہزار سے زائد شہریوں کو وارننگ دی گئی، ایل ٹی وی لائسنس پر پبلک سروس وہیکلز چلانے پر 02 ہزار سے زائد ڈرائیورز کیخلاف بھی کارروائی ہوئی۔ایل ٹی وی لائسنس پر ہیوی وہیکل، ٹرالر چلانے پر بھی 786 ڈرائیورز کیخلاف کارروائی عمل میں لائی گئی۔دو ہفتوں کے دوران 50 ہزار سے زائد شہریوں کو لائسنس سروسز فراہم کیں گئیں۔سی ٹی او لاہور مستنصر فیروز کا کہنا ہے کہ ڈرائیور کے پاس ویلڈ ڈرائیونگ لائسنس ہونا بے حد ضروری ہے،بغیر لائسنس ڈرائیونگ کے خلاف کریک ڈائون جاری رہے گا، بغیر لائسنس گاڑی چلانے پر 02 ہزار روپے جرمانہ کیا جارہا ہے، لرنر پرمٹ رکھنے والے شہری گاڑی کی اگلی، پچھلی سکرینز پر ” L”سائن چسپاں کریں، شہری صرف اور صرف شناختی کارڈ کے ہمراہ لائسنس دفاتر تشریف لائیں، ڈرائیور کے پاس لائسنس کا ہونا، خود اعتماد ڈرائیونگ کی علامت ہے۔
