کراچی،وزیر اعظم شہباز شریف نے ‘ٹیکسپو’ کا افتتاح کر دیا

0
57

کراچی(این این آئی)وزیر اعظم شہباز شریف نے ایکسپو سینٹر کراچی میں ٹیکسٹائل ایکسپو ٹیکسپو کا افتتاح کر دیا۔کراچی پہنچنے پر گورنر سندھ کامران ٹیسوری نے وزیرِ اعظم شہباز شریف کا پی ایایف بیس فیصل پر استقبال کیا۔وزیر اعظم شہباز شریف نے ٹیکسپو کی افتتاحی تقریب سے خطاب کرتے ہوئے کہا کہ ٹیکسٹائل سیکٹر ہماری انڈسٹری کے لیے ریڑھ کی ہڈی کی حیثیت رکھتا ہے، یہ ہماری ایکسپورٹ کا بھی مرکز ہے۔انہوںنے کہاکہ مسائل کے باوجود پاکستانی ٹیکسٹائل انڈسٹری ترقی کر رہی ہے، سرمایہ کار پاکستان میں آ کر خوشی محسوس کرتے ہیں۔وزیر اعظم شہباز شریف نے کہا کہ کاروباری افراد کی انتھک محنت کے باعث ٹیکسٹائل کا شعبہ بہتر ہو رہا ہے، آئندہ ہفتے پری بجٹ میٹنگز شروع ہو رہی ہیں۔انہوں نے کہا کہ ٹیکسٹائل کا شعبہ ملکی برآمدات کا 60 فیصد ہے، تاجروں کو برآمدات بڑھانے کے لیے جو معاونت درکار ہو گی فراہم کریں گے۔وزیرِ اعظم شہباز شریف نے کہا کہ منفرد آئیڈیاز دینے والوں کا خیر مقدم کیا جائے گا، غیر ملکی سرمایہ کاروں کو بہترین اور معاون ماحول فراہم کریں گے۔