اسلام آباد (این این آئی)پاکستان تحریکِ انصاف کے سابق رہنما جہانگیر ترین نے اپنی نئی سیاسی پارٹی کے قیام سے متعلق مشاورتی عمل تیز کر دیا ۔ ذرائع کے مطابق جہانگیر ترین نے اسلام آباد میں اپنی لیگل ٹیم سے بھی مشاورت کی ۔جہانگیر ترین نے الیکشن کمیشن میں پارٹی رجسٹریشن سے متعلق لیگل ٹیم کو ہدایات دی ہیں۔جہانگیر ترین نے اپنی نااہلی سیمتعلق ممکنہ پٹیشن پر بھی لیگل ٹیم سے مشاورت کی پی ٹی آئی چھوڑنے والی پنجاب کی اہم ترین شخصیت جہانگیر ترین سے رابطے میں ہیں۔جہانگیر ترین نے اپنے گروپ کے مختلف ممبران سے بھی ٹیلی فونک رابطہ کیا ۔
