لاہور ( این این آئی) سینئر سیاستدان جہانگیر ترین کی نئی جماعت استحکام پاکستان پارٹی کا پرچم 3رنگوں پر مشتمل ہو گا ۔ ذرائع کے مطابق سبز رنگ نمایاں جبکہ سفید اور سرخ رنگ بھی پرچم کا حصہ ہوں گے ۔ اس کے ساتھ پرچم میں چاند ستارہ بھی ہو گا ۔ ذرائع کا کہنا ہے کہ استحکام پاکستان پارٹی کا منشور آئندہ چند روز میں مکمل کر لیا جائے گا اور اس ضمن میں اسحاق خاکوانی ، عون چوہدری ، عبدالعلیم خان اور دیگر پر مشتمل ورکنگ گروپ کام کررہا ہے ۔
