لاہور( این این آئی)جمعیت علمائے اسلام ( ف ) کے سربراہ اور پی ڈی ایم کے صدر مولانا فضل الرحمان نے پیپلز پارٹی کے مرکزی رہنما وسابق وزیر اعظم یوسف رضا گیلانی سے ملاقات کر کے گرفتار رہنمائوں اور کارکنان کی رہائی کے حوالے سے اقدامات بارے تبادلہ خیال کیا ۔ مولانا فضل الرحمان نے کہا کہ میں اہلیان ملتان کا مقروض رہوں گا، ملتان کی عوام نے بھی سلیکٹیڈ کو ریجیکٹ کردیا ہے۔ یوسف رضا گیلانی نے کہا کہ ملتان جلسے کی کامیابی پی ڈی ایم کے تمام قائدین کی محنت کا نتیجہ ہے، گرفتار کارکنان کی بھرپور وکالت کروں گا۔
